Talabanî: Ganî Koalîsyono Mîyanneteweyî vera hêrişan bêveng memano

Serekê Pêroyî yê YNKyî Bafil Talabanîyî dîyar kerd ke ganî hêzê Koalîsyonê Mîyanneteweyî yê ke mintiqa de yê ganî vera hêrişanê SÎHAyan bêveng mebê.

Serekê Pêroyî yê YNKyî Bafil Talabanî, Sefîrê Fransayî yê Iraqî Eric Chevalierî reyde ame têhet. Pêvînayîşî ra dima hetê Ofîsê Serektîya YNKyî ra eşkerayîye ameye dayene. Goreyê xebera Rojnewsî; pêvînayîşî de meseleye sîyasî yê Mintiqaya Kurdistan û Iraqî, meseleye ewlehîye û pawitişê haştîye ameyê qiseykerdene.

Eşkerayîye de ame dîyarkerdiş ke Talabanîyî gazîye kerda ke wa hêzê Koalîsyonê Mîyanneteweyî vera hêrişanê SÎHAyan ê ke Mintiqaya Kurdistanî rê benê rê bêveng mebê. Reyna ameyo waştene ke ganî nê hêzî wezîfeyê xo biyarê ca û vernîya nê îxlalan bigerê.

MERKEZÊ XEBERAN