Mezelanê Ugur Kaymazî û pîyê ci rê hêrişe ameye kerdene

Mezelane Ugur Kaymaz o 12 serrî yo ke Qoser de bi 13 guleyan amebi qetilkerdiş û pîyê ci hêrişe ameye kerdene.

21ê Teşrîna Peyêne 2004î de Merdîn Qoser de Ugur Kaymaz û pîyê ci Ahmet Kaymaz verê berê înan de ameyê qetilkerdiş. Ugur Kaymaz hema 12 serrî bi û bi 13 guleyan amebi qetilkerdiş. Mezelanê înan rê hetê kesanê ke nasnameyê înan nînê zaneyene ra hêrişe ameye kerdene. Hêrişe de berkoleyê mezela Ahmet Kaymazî ame şikitene. Ame dîyarkerdiş ke hêrişe vîzêrî ameya kerdene. Berkoleyê mezele hetê welatîyan ra ameya temîrkerdiş û xebere dîyaya keyeyê Kaymazan.

Dadîya Ugurî Makbule Kaymaze va, “Ez 19 serrî yo edalet wazena û mi çîyêk peyda nêkerd. Nika zî hêrişê mezelanê înan kenê. Weş û war bê şarê ma pê hesîyayo û mezele viraşta. Seba ke wayîrê Ugurî û pîyê ci vejîyenê, wayîrê mezelanê înan zî vejîyayê. Kurdan mezale de zî rehet nêverdenê. Çi benno wa bibo, ma do qetilkaran ra hesab bipersê.”

MA / MÊRDÎN