Tirkîya Kurdistanê Başûrî ver bi felakete derûdorî ya bena

Pisporê derûdorî Subhan Hisênî va, “Tirkîya daristananê Kurdistanê Başûrî qir kena û bi çekanê kîmyewîyan zirarêkî pîlî dana xozaya Kurdistanî.”

Îşxal û hêrîşê Tirkîya yê Kurdistanê Başûrî dewam kenê. Tirkîya her roje bi tonan daran birnena û xozaye talan kena. 

Pisporê derûdorî Subhan Hisênî va, “Roje bir oje derûdor û xozaya Kurdistanî kewena binê talukeyêkî pîlî. Daristanî sey bingeyê xozaye yê. Daristanê Kurdistanî bi bombakerdişan, vêşnayîşan û birnayîşan yenê qirkerdiş.”

Subhan Hisênî va, “Nê qirkerdişî do ameyoxî de ziraranê pîlan bide xozaya Kurdistanî, cuya heywanan û hemsencîya derûdorî. Kurdistanê Başûrî de derheqê derûdorî de ganî qanûnêko taybet bibo. Çîyêko zaf ecêb o dewletêk bêra serê erdê to de ca biba û xozaya to talan bikera û daranê welatê to bera biroşa.”

Subhan Hisênî peynî de va, “Birnayîşê daran do meşte zeraranê pîlan peyda bikero. Eke verê ci nêro girewtiş, feleketêtêko pîl biqewimîyo.”

ROJNEWS / HELEBCE