Komeleya Ekolojî: Hewsel bi destê qeyûmî yeno talankerdiş

Nûçeyên Komel û Cuye

sêşem 4 nîsanê 2023 - 10:27

  • Îdarekarê Komeleya Ekolojî Murat Bîlgîçî dîyar kerd ke Hewsel bi destê qeyûmî yeno talankerdiş.

Îdarekarê Komeleya Ekolojî Murat Bîlgîçî dîyar kerd ke Hewsel bi destê qeyûmî yeno talankerdiş û va, “Hewsel seba ke hefizayê komelî yo ganî bêro pawitene.”

Baxçeyê Hewselî yê ke lîsteya mîrasê kulturî yê UNESCOyî de yê lele bi lete îmarî rê yenê akerdene. Nê polîtîkayî hetê komeleyanê ekolojîyî ra yenê protestokerdiş. Îdarekarê Komeleya Ekolojîyî ya Amedî Murat Bîlgîçî dîyar kerd ke Baxçeyê Hewselî hetê qeyûman ra ameyê talankerdiş.

Qeyûm başîya şarî nêwazeno

Murat Bîlgîçî va, “Çîyê ke ameyê Hewselî ser bi destê qeyyûmî ameyê kerdene. Hewse,l yê pêro Amedî yo. Hewsel seba kulturê dinya zî zaf muhîm o. Hewsel de talanêko pîl esto. Qeyûm ganî verê ci bigêro la verê talanî nêgeno. Kafeyî abenê la kes vengê xo nêkeno. Darî yenê birnayene. Badê rijîyayîşê Sûrî, Hewsel talanî rê ame akerdene.”

‘Rijnayîş asan o, awankerdiş zehmet o’

Bîlgîçî va, “Ganî polîtîkayê şerîkî bêrê viraştene. Badê şîyayîşê qeyûmî ganî beledîya nînan bifikiro. Rencberê Hewselî hanî kooperatîf awan bikerê. Çîyê ke bêhiqûqî bîyê ganî bêrê vindertene. No tena karê Komeleya Ekolojî nîyo. Ganî polîtîkayê pêroyî bêrê viraştene.”

‘Bêrê ma her ca de daran ronê’

Bilgîçî peynî de va, “Cûdî ra Dêrsim, Çewlîg ra Mûş daristanê ma yenê talankerdiş. Hereketê Ekolojîyî yê Mezopotamyayî kampanyaya darronayîşî ramena. Ma zî sey komele mîyanê nê kampanyayan de yê. Ganî rêxistinê komelê sivîlî, welatperwerî, zerrîwazî, partîyê sîyasîyî û her kes, dewan de, kuçeyan de, bajaran de û fekê beran de daran ronê.”

MA / AMED

parvê bike

   

Yeni Özgür Politika

© Copyright 2024 Yeni Özgür Politika | Mafên belavkirinê parastî ne.