TJA Amed de komxebata Lozanî virazeno

TJA bi minesebetê serrgêra 100ine ya Lozanî Amed de komxebatêk virazeno.

TJA derheqê serrgêra 100ine ya Lozanî de otelêkî Amedî de bi sernameyê “Cinîyî serrgêra 100ine ya Lozanî nîqaş kenê” komxebatêk virazeno. Hem bajar ra hem zî teberê bajarî ra xeylê cinîyî bîyê beşdarê komxebate. Qiseykerdişê akerdişê hetê aktîvîsta TJAyî Çaglar Demîrele ra ame kerdene.

Demîrele dîyar kerd ke Lozanî de çi qerarî ameyê girewtene se serrî yo yenê ramitene û va, “Na seserre de ma do derhetê kurd, elewî, asûrî, ermenî, êzidî û pêro şaran de çi qerarî ameyê girewtene ser o qisey bikerê. Nê nîqaşî tim hetê camêrdan ra yenê kerdene. Lozanî de cinîyî û şarî senî ameyê çinkerdene? Ma do nînan nîqaş bikerê. Ma do rojêka xo bin ê nîqaşan bivîvarnê.

Gazîye yewîtîye

Dewamê qiseykerdişê xo de Demîrele dîyar kerd ke Lozanî de ziwanî û kulturî ameyê qedexekerdene û va, “Ganî ewro ra têpîya ma eşkenê çi bikerê nînan ser o nîqaşanê xo bikerê. Cinîyan zulm û qetlîamî qebul nêkerd û do mekerê zî. Ma do yewîtîya cinîyan û şaran bipawê. Ma do pîya qeraran bigerê. Ma do sey TJAyî ewro yewîtîya xo bihêze bikerê û ma do xoverdayîşê xo pîl bikerê.”

Komxebate qiseykerdişê akerdişî ra dima çapemenîye ra girewtî dewam kerde.

MA / AMED