Vernîya CPTyî de çalakîye esta

Nûçeyên Diaspora

sêşem 6 kanûnê 2022 - 16:28

  • KCDK-E seba azadîya Rayberê Şarê Kurdî Abdullah Ocalanî do 7-9ê kanûne de verê CPTyî de çalakîya nobete bikero.

Eşkerayîya KCDK-E de nê ameyî vatene: “Hêrişê qirkerdişî bi têkoşînê Rayber Apoyî û seferberîya şarê kurdî zafê ci ameyî betalkerdene. La rîyê bêvengîya hêzanê mîyanneteweyîyan û paştdayîşo ke semedê menfeatê xo danê dewleta tirke, tecrîdê serê Rayberê Şarê Kurdî Abdullah Ocalanî bi giranbîyayîşî dewam keno. Çim û goşê bi mîlyonan kesan Îmrali de yê. Şarê kurdî û dostê înan wazenê bizanê Îmrali de se beno. Qisawetê ma sînorê tewr berzî de yo.
Badê eşkerayîya Buroyê Huqûqî yê Asrinî vejîyaye werte ke CPTyî Rayber Apoyî reyde pêvînayîş nêkerdo. Nika qisawetê ma zafêr bîyo. Ganî dezgehê ke CPT pabesteyê ci yo, Komîsyonê Ewropa, Mehkemeya Heqanê Merdiman a Ewropa, Yewîya Ewropa semedê qedînayîşê tecrîdî berpirsîyarîya xo bîyarê ca.
Hele hela seferberîye ya, semedê azadîya Rayber Apoyî, wext wextê xurtkerdişê têkoşînî yo. Coka heta ke Rayber Apoyî ra xebere bêra girewtene ganî bêmabên bi ruhê seferberîye çalakîyê bitesîrî yê xurtî bêrê kerdene. 7-9ê kanûne de do verê CPTyî de pê eşkerayîya çapemenîye çalakîya nobete ya hîrê rojan bêra kerdene. Çalakîya nobete 7ê kanûne de roja çarşeme pê eşkerayîya çapemenîye saete 10:00 de Strasbourg de do dest pê bikero.”

XWEBÛN

parvê bike

   

Yeni Özgür Politika

© Copyright 2024 Yeni Özgür Politika | Mafên belavkirinê parastî ne.