Wa Kurdkî bibo ziwanê perwerdeyî

sêşem 13 îlonê 2022 - 10:37

Xeylê bajaran de seba ke Kurdkî bibo resmî û bibo ziwanê perwerdeyî, şar ame têhet û malûmatî ameyê dayene. 

12ê Êlule de termê perwerdeyî dest pêkerd. Xeylê bajaran de seba ke Kurdkî bibo ziwanê perwerdeyî, şar ame têhet û malûmatî ameyê dayene. 

Ma ziwanê xo de perwerde wazenê

Dersîm de zî derheqê perwerdeyê ziwanê dayîke de malûmatêk ame dayene. Malûmat Kuçeyê Hunerî de ame dayene. Malûmatî de, pankartê ‘Ma perwerdeyê zonê Kirmanckî wazenîme’ ame akerdene. Malûmat hetê Hemserekê HDPyî yê Dêrsimî Ferhat Yildizî ra bi Kirmanckî ame dayene. Ferhat Yildizî va, “Domanî nêşkenê bi ziwanê xo perwerde bigerê û nê heqî ra mehrûm manenê. No zulim seserran ra nat dewam keno. Se serranê cumhûrîyetî de ma ameyê qetilkerdiş, ma surgin bîyê, ma ziwan û bawerîya x ora ameyê dûrîvistiş.”

Sewbîna bajaranê; Dîyarbekir, Şirnex, Riha, Mûş, Çewlîg, Wan, Mersîn, Hatay, Izmîr û Enqera de zî seba ke Kurdkî bibo ziwanê perwerdeyî şar ame têhet û malûmatî ameyê dayene.

MA / MERKEZÊ XEBERAN

parvê bike

   

Yeni Özgür Politika

© Copyright 2024 Yeni Özgür Politika | Mafên belavkirinê parastî ne.