Walîyî va ‘agêrenê’ la dewe de qet Êzidîyî çin ê

MA / Zeynep TURGUT / ŞIRNEX

Walîyê Şirnexî va ‘agêrenê dewa xo’ la dewa Kiwêxî de qet Êzidîyî çin ê.

Êzidîyî, tarîxê xo mîyan de raştê xeylê qetlîaman ameyê. Heta ewro 74 fermanî ameyê înan ser. Reya peyêne raştê qetlîamê DAÎŞaî ameyê û erdê x ora kewtê dûrî. Eynî çî ame Êzidîyanê çar leteyê Kurdistanî ser. Dewê Êzidîyan ê Mêrdîn û Şirnexî bit edaya dewlete ameyê vengkerdiş û mecbûr mendê ke bar bikerê. Dewa Şirnex Hezexî ya Kiwêxî de 130 keyeyî estibî û tede yew Êzidî zî nêmend.

Êzidîyî çin ê û vanê ê agêrenê!

Goreyê çimeyan dewe 200 serrî verî cû ameya ronayene û dewe 37 serrî verî cû ameye vengkerdiş. Dewe taybetmendîya xo ya tarîxîyî pawita. Meseleya ewlehîye ver Êzidîyî nêşkenê agêrê dewa xo. Dewe hetê Walîtîya Şirnexî ra qey turîzmî pêşkêşê sermayeyi bena. Kampanyaya walîtîye, çapemenîya îqtîdarî de bi xebera ‘Êzidîyî Şirnex de bi hizûrî rasenê dewa xo’ dest pêkerde. Eşkera bîyo ke dewa Kiwêxî de qet Êzidîyî çin ê.

Dewe de do qereqol bivirazîyo

Dewe de xebatê kanalîzasyonî û rayîrî dest pêkerdê û eqsê awanîyan zî beton ame gurînayene. Qet yew Êzidî nêagêraro dewa xo û bi emrê walîtîye koçerê derûdorê dewe zî ameyê dûrîvistiş. Reyna dîyar bîyo ke do dewe de qereqolêk bêro viraştene.

Êzidîyî rewşe ver qerqilîyenê

Êzidîyê ke tedayan ver remayê şîyê ewrûpa dîyar kerd bêdestûrê înan dewe rê mudaxeleyî ameyê kerdene. Înan dîyar kerd ke hema zî polîtîkayê tedayan yenê ramitene û dewa înan pêşkêşê sermayeyi bîya. Înan dîyar kerd ke seba ke no qerar betal bibo, ê do dewa abikerê.