‘Wazenê ma bi tedeyîya karanê ma mehkûm bikerê’

şemî 25 hezîranê 2022 - 13:01

  • Hemserekê Komeleya Rojnamegeran a Dîclê û Firatî Serdar Altanî va, ‘Seba ke ma bigerê, înan senaryoyêk nuşta.’

 

Hemserekê Komeleya Rojnamegeran a Dîclê û Firatî Serdar Altanî va, ‘Seba ke ma bigerê, înan senaryoyêk nuşta.’

Hemserekê Komeleya Rojnamegeran a Dîcle û Firatî Serdar Altanî derheqê meseleya girewtişê rojnamegeran de bi awiqatê xo malûmatêk erşawito rojnameyî Evrensel. 16 rojnamegerê Kurdî amebî girewtene û Serdar Altan zî înan ra yew bi.

‘Ma bi paştîdayîşanê embazan sereberz bîyê’

Serdar Altanî va, “Polîsan est keyeyanê ma ser, ma zî nêzana m abi çi yenê sûcdarkerdiş. Badê ke ma şîyê emnîyet mi xeylê embazê xo dîyê. Muameleyê tayê polîsan zaf xirab bi. Bi wesayîtê awiqatanê x oma teber ra xerebî girewtêne. M abi paştîdayêşanê embazanê xo hemkaranê xo sereberz bîyê.”

‘Wazenê ma bi tedeyîya karanê ma mehkûm bikerê’

       Altanî va, “Ma eynîyet de heqê xo yê qalînêkerdişî şuxilna. Coka ma zanitêne do sawcîtîye de mesela derge ba la ma hende nêpawitêne. Sawcî vejîyayêne teberê hiqûqî. Seba ke ma bigera sanoryoyêk nuştibî û waştêne ma zî daxilê ci bikera. Ma rojnamegerê û ê wazenê ma mi tedeyîya karanê ma mehkûm bikerê. wazenê fikrî mehkûm bikerê. Axirî nîya zî bi û 16 rojnamegerî ameyê girewtene. Ma eşkenê bi rehetî vajê ke, wazenê vengê ma bibirnê. Wazenê vere rojnamegerîya Kurdan bigerê.”

Altanî ra gazîyêk

Altanî gazîyêk kerde û va, “Ça beno wa bibo, ma do timûtim qisey bikerê, binusê û bimojnê. Ganî ma paştîdayîşan bizêdnê. Ganî hemkarê ma û cîhetê bînî vengê xo berz bikerê. Înan ke paştî dayo ma, ma înan rê zaf sipas kenê. Xo vîrî ra mekerê, rojnamegerîye sûce nîya.”
MERKEZÊ XEBERAN

parvê bike

   

Yeni Özgür Politika

© Copyright 2022 Yeni Özgür Politika | Mafên belavkirinê parastî ne.