- Muhammed Badilli agêra erdê xo ser û Riha de keyeyê xo reyde cuyêka komînale û ekolojîke awane keno.
CEYLAN ŞAHÎNLÎ / MA / RIHA
Muhammed Badilli agêra erdê xo ser û Riha de keyeyê xo reyde cuyêka komînale û ekolojîke awane keno.
Muhammed Badilli Amerîka ra bar kerd ame Îstanbûl û bîyayîşê domanê x ora dima agêra erdê xo ser. Muhammed Badilli keyeyê xo reyde agêra Riha û Mehlaya Tesxirapî de wazeno cuyêka newîye awane bikero.
Muhammed Badilli Amerîka de ekonomî wend û dima agêra Îstanbûl. Tîya de zewecîya û domanê xo bi. Naye ra dima cuya ey zî vurîyaye. Wazeno domanê xo bi sebze û fekîyanê xozayîyan weye bikero û vano weyebîyayîşo baş bi renca başe beno. Dima qerarê xo dano û seba cuyêka newîye agêreno Riha. Mehlaya xo de banêko kerpîcin virazeno.
Qerarê agêrayîşî
Muhammet Badilliyî va, “Ez zaf kesan de bîya şinasî û bandorê înan mi ser de bi. Dima mi va ez çira nêkena. Dima ez ameya Riha û mi erdê xo ser de dest bi rence kerde. Mi hêverî bezreyê xeleyî arê dayê. Mi bezreyê Qerejdax û Mêrdînî ramitê û mi nê şarî ra vila kerdê. Dim ama qerar da ke erdê xo ser de ca bibê. Her kes vatêne şêrê hetê Egeyî la ma ameyê erdê xo ser.”
Renga weşkerdoxe û muhîmîya ci
Badilliyî va, “Mi verî cû Îstanbûl de perwerdeyê renca weşkerdoxe girewtibi. Renca weşkerdoxe de ganî ti xozaye teqlît bikerê. Ma erdî nêramenê, herinda ney de ma heywanan çernenê. Bin o qeyde arazî beno dewlemend. Madeyê organîkî zêdîyenê û karbon kêmîyeno.”
Hedefê înan dewêka komîn a
Muhammet Badilliyî peynî de va, “Ma bi kerpicê xo viraştê. Ma kokiman ra îstîfade kerd. Banê kerpicini welatê ma de erjê kulturî yê. Ma tîya de destûr nêdanê ke seydmanî biba û kes zirar bido xozaye. Wexto ke ez doman bîya tîya de xeylê tewirê heywanan estibî. Ez heywanan kena weye û ma cinîyan reyde xebitîyenê. Rotişê berheman de zî cinîyî eleqadar benê. Ma wazenê bi keda xo kooperatîfêk awan bikerê. Ma wazenê modele ma yo ekolojîk derûdorî ser o bandor bikero. Nika her kes bi keda xo îhtîyacîya xo peyda keno. Ma wazenê tîya de bi keda xo dewêka komine awane bikerê. Pê vatişî nêbeno, ganî gamê pratîkî bêrê eştiş.”