Xeylê çalakîyê Kurdkî ameyê qedexekerdiş

çarşem 18 gulanê 2022 - 15:59

Nêverdenê hunermendê Kurdan karê xo bikerê.

13ê Gulale de Beledîyeya Derînceyî konserê Aynûr Doxane betal kerd û eynî roje Beledîyeya Çayirovayî zî kayê tîyatroyî yê ‘Don Kîxot’ betal kerd. 16ê Gulane de Walîtîya Mûşî konserê Metîn-Kemal Kahraman betal kerd. Bi no qeyde hem nêverdenê Kurdkî vejîya ver û hetêk ra zî hunermendan sansûr kenê. 

‘Ma nêşkenê eywane peyda bikerê’

Hunermende Pervîn Çakare wextêk ra nat hesabanê xo yê medyaya sosyale ra na rewşe rexne keno û vana, “Ma peydakerdişê eywanan de zaf zehmetî ancenê. Eywanî eynîyenê ke repertûarê ma de deyîrê Kurdkî estê, cayê xo nêdanê ma. Na senî têduştî ya. Ma tena wazenê hunerê xo îcra bikerê.” 

Tîyatrokarî zî zaf rey raştê qedexeyan ameyê. Mêrdînî de kayo Kurdkî ame qedexekerdiş û zaf cayan de eywanî nêdîyayê kayanê Kurdan. 23ê Temûze 2019î de Walîtîya Wanî konserê Mem Araratî  betal kerd. 20ê Tebaxe 2020î de awanîya Merkezê Kulturî yê Mezopotamyayî ya Îstanbûlî ameye vengkerdiş û awanî dîyaye Beledîyeya Beyoglûyî. Reyna 13ê Teşrîna Peyêne 2020î de kayê ‘Bêrû’yî hetê Walîtîya Îstanbûlî ra ame qedexekerdiş. 24ê Gulane 2021î de Newroza Wanî de deyîrê Kurdkîyî ameyê vatene û derheqê Newroze de dewayêk ameye akerdene. 22yê Teşrîna Verêne 2021î de Walîtîya Dêrsimî nêverda Mîkaîl Aslan û Cemîl Qoçgîrî Meydanê Seyîd Rizayî de konser bidê. 29ê Çeleyî 2022yî de ciwanê ke Îstîklal de deyîrî vatêne gêrîyayê binê çimî û polîsan dest na enstrûmananê înan ser. 6ê Adare 2022yî de Kayê ‘Mem û Zîne’ Cîzîr de ame qedexekerdiş. 13ê Gulane de Konserê Aynûr Doxane û kayê ‘Don Kîxot’ ameyê qedexekerdiş. 16ê Gulane de zî konserê Metîn-Kemal Kahraman ame qedexekerdiş.

MERKEZÊ XEBERAN

parvê bike

   

Yeni Özgür Politika

© Copyright 2024 Yeni Özgür Politika | Mafên belavkirinê parastî ne.