‘Ziwan Kurdan rê mefteyê azadîye yo’

• Çalakîya peyêne ya Roşanê Ziwanê Kurdkî bi şayîyêk ameye kerdene. 

Çalakîya peyêne ya Roşanê Ziwanê Kurdkî bi şayîyêk ameye kerdene. 

Çalakîya peyêne ya Roşanê Ziwanê Kurdkî 17ê Gulane de ameye viraştene. Çalakîyê Roşanê Ziwanê Kurdkî hetê Tora Ziwan û Platformê Ziwan ra ameyê organîzekerdiş. Xeylê çalakîyî virazîyayê û çalakîya peyêne bi konserêk ameye kerdene. Konser Eywana Demîrokî  de virazîya û xeylê kesî bîyê beşdar. 

‘Ziwan bingeyê estbîyayîşî yo’

Konserî ra ver hemserê Med-derî Rifat Ronî qisey kerd û va, “Ma soz danê ke, ma do xeyalanê Bedirxanîyan, Elîyê Herîrîyî, Feqîyê Teyranî û Mûsa Anterî biyarê ca. Ziwan bingeyê milet û estbîyayîşî yo. Ziwan Kurdan rê mefteyê azadîye yo. Ma do seba nê mefteyî timûtim xo ver bidê. Ziwan mîrasê verênanê ma yo û ma do wayîrê nê mîrasî bivejîyê.” Dima Şerefxan Cizîrîyî va, “Hetê çend walîtîyan ra panele Kurdkî ameyê viraştene. Ma vînenê ke ê hema alfabeya Kurdkî nêzanê. Eke nîyetê şima ziwan o, hêverî albabeya ziwanî bimusê.”

Qiseykerdişan ra dima Koma Sorjiyan û Herem Nergîz deyîrê Kurdkî vatê û çalakî bi keyf û şayîye qedîyaye.

AMED