Kitabê “Mîtosên Kurdo-Îranî di Edebîyatê Kurdî de” vejîyayo

Weşanxaneyê Nûbiharî bi nameyê “Mîtos û Edebîyat / Mîtosên Kurdo-Îranî di Edebîyatê Kurdî de” çap kerdo.

Kitap heşt nuşteyan ra ameyo pê. Edîtorê kitabî Shahab Valî û Kenan Sûbaşî yê. Kitab bi pênasekerdişê mîtos, mîtolojî û têkilîya nînan û edebîyatî ser o dest pêkeno. No nuşte hetê Shahab Valîyî ra ameyo nuştene.

Samî Çelîktaşî babeta “teorîyê qehmemananê mîtolojîkî” ser o nuşto. Kenan Sûbaşîyî nuşteyê xo de ca dayo qehremananê Kurdan, dêw û formanê înan. Yakûp Aykaçî ca dayo Şah û pehlewananê edebîyatê gelêrî yê Kurdan.

Mehmet Şîrîn Fîlîzî verê xo dayo şîîra Kurdkî ya moderne û na babete mîtosî ra heta logosî erjnaya. Kitab de edebîyatê Hewramî/Goranî ser o nuşteyêk ameyo nuştene ke tede kesayetê mîtolojîkî ca genê.

Nuşteyê peyênî de Ahmet Kirkan edebiyat û folklorê Kirmanckî de kewto peyê motîfanê mîtolojîkan.

BÎANET