Xakpûre: Edebîyatê Kurdî serran ra nat binê tecrîdî de yo

Nuştoxa Rojhelatije Sayîme Xakpûre va, “Edebîyatê Kurdî serran ra nat binê tecrîdî de yo û xebera zafînan na xezîne ra çin a.”

Sayîme Xakpûre, Urmîye ra ya û serran ra nat kurdkî nusena û açarnayîşan kena. Demêk verê cû dengbêj ‘Îran Xanime’ ser o kitabêk hedre kerd û kitaba me weşanayene. Xakpûre ANFyî rê qisey kerd û dîyar kerd ke Edebîyatê Kurdî zaf dewlemend o. 

Ameyoxê kulturê kurdan roşn o

Xakpûre derheqê xebatanê ziwanî yê Rojhelatî de va, “Xebatê Hewramkî, Lekkî, Kelhûrkî Urmîye ra heta Xoresan pîya yenê kerdene. Ez sey cinîyêka Kurdistanije ameyoxê Edebîyatê Kurdî roşn vînena. Medyaya sosyale ver têkilîyî zêdîyayê, vera huner, edebîtat û kulturî eleqa zêdîyayo.”

Aye dîyar kerd ke Edebîyatê Kurdî edebîyatanê tewr dewlemendan ra yo û va, “Edebîyatê Kurdî serran ra nat binê tecrîdî de yo û xebera zafê kurdan na xezîne ra çin a. Vera polîtîkayanê asîmîlasyonî cigêrayîşî yenê kerdene û vera nê asîmîlasyonî xoverdayîşêko pîl yeno dayene.”

MERKEZÊ XEBERAN