Ara Zarok do nêzdî ra bibo mêmanê keyeyan

Nûçeyên Komel û Cuye

în 1 nîsanê 2022 - 09:44

  • Grûba Araye ra Şînda Ekrem va ma do nêzdî ra televîzyonî ser ra bibê mêmanê keyeyan.

Grûba Araye ra Şînda Ekrem va ma do nêzdî ra televîzyonî ser ra bibê mêmanê keyeyan. 

Grûba Araye Qamişlo de seba domananê Rojavayê Kurdistanî projeyêk awan kerd. Mîyanê projeyî de hîkayeyî, kovarî û qanalê televîzyonî estê. Proje dayo xo ver ke domanan hetê nuştekî û dîmenan ra aver de bero. Coka wexto ke proje dest pêkerd, domanan vere da înan ser.

‘Badê şorişê Rojavayî fehmê ma zêdîya’

Ara Grûbe ra Şînda Ekrem derheqê projeyî de qisey kerd û va, “Rojava de verê şorişî derheqê domanan de xabatêk çinî bî. Çimkî Rojava de polîtîkayê asîmîlasyonî ameyêne ramitene. Cegerxwîn, Osman Sebrî înan kedêka pîe dabî la înan xebatê xo nititikî kerdibî. Aye r aşarî mîyan de hişmendîyêk awane nêbibî. Badê şorişê Rojavayî fehmê ma zêdîya û finsendî kewtê ma dest. Ma zî waşt pê nê îmkanan seba domananê Kurdan projeyêk virazê û ma projeyê Ara Zarokî da xo ver.”

‘Ma do qanalê televîzyonî akerê’

Şînda Ekrem behsê tedeyîya projeyi kerd û va, “Ma nika kovarêk vejenê. Hûmara verêne ya kovare tarîxê wefatê Cegerxwînî yê 22yê Teşrîna Verêne de weşanîyaye. Kovare de hem materyalê perwerdeyî estê hem zî berhemê edebîyî. Kovara me pêro mekteban ra ameyê vilakerdiş. Hûmara dîyine ya kovare 22yê Sibate yê 2022yî de vejîyaye. 22yê Sibate tarîxê wefatê Qazî Mihemedî yo. Ma wazenê wa domanê ma erjanê xo bişinasnê. Nêzdî ra ma do qanalêkî televîzyonî akerê. Qanalê Ara Zarokî de do bernameyê perwerdeyî, musabeqayî û vîdeoyê ke hetê domanan ra ancîyeyê bêrê mojnayene. Domanê ma do bi nê xebatan dinyaya xo hîra bikerê. Ma hêvî kenê ke bibê reng û vengê domananê Rojavayê Kurdistanî.”

NÛJINHA / QAMIŞLO

parvê bike

   

Yeni Özgür Politika

© Copyright 2022 Yeni Özgür Politika | Mafên belavkirinê parastî ne.