ARÎ-DERî sertîfîkayî dayê 43 kursîyeran

Komeleya Kultur û Cigêrayîşanê Ziwanî ya Arîyî sertîfîkayî dayê 43 kursîyeranê Kurdkî.

ARÎ-DER komeleya kultur û ziwanî ya û xebatanê xo Êlihî de ramnena. ARÎ-DERî de kursê Kurdkî yê asta yewine û hîrêyine ameyê qedîyayîş. Sertîfîkayî dîyayê 43 kursîyeranê Kurdkî. Merasîmê sertîfîkayan Merkezê Kulturî yê Baharî de ame viraştene. Asta yewine de 23 kesî, asta hîrêyine de zî 15 kesî bîyê serkewte û sertîfîkayê xo girewtê.

Merasîmî de hemserekê ARÎ-DERî Mazlûm Bukselî qisey kerd û va, “Ma vanê ke zîwan keyeyê estbîyayîşî yo û estbîyayîş bê ziwanî nêbeno. Pawitişê ziwanê ma pawitişê estbîyayîşê ma yo.” Çalakî bi deyîranê hunermendanê Merkezê Kulturî yê Baharî ame qedîyayîş.

MA / ÊLIH