Bîrdal: Ma ganî vengê vengê girewteyan berz bikerê

Serekê Rûmetî yê ÎHDyî Akin Bîrdalî bale ante grevê vêşanîye ser o û va, “Seba çareserîya meseleya Kurdan, ma ganî vengê girewteyan berz bikerê.”

Şaxa ÎHDyî ya Mersînî, çarçoweya Hefteyê Heqanê Merdiman de panelêk viraşt. Panel de Serekê Rûmetî yê ÎHDyî Akin Bîrdal, Hemverfeka Komîsyonê Hepisxaneyan ê ÎHDyî Nuray Çevîrmen Aykole, Serekê Odaya Tabîban ê Mersînî yê verênî Mehmet Antmen û Sekreterê Şaxa ÎHDyî ya Mersînî Bekîr Sıtki Keçecîyî qisey kerd.

‘Ma ganî vengê xo vejê’

Serekê Rûmetî yê ÎHDyî Akin Bîrdalî dîyar kerd ke ganî tecrîd bêro wedartene û va, “3 serrî verî cû û verî zî grevê vêşanîye yê winasî amebî kerdene. Leyla Guvene û bi hezaran girewteyî kewtê grevê vêşanîye û 7 girewteyan cuya xo vîndî kerde. Dima reyna tecrîdêk kewt kar. 3 serrî yo Ocalan nêşkeno keye û awiqatanê xo de pêvînayîşan bikero. Ewro zî bi eynî waştişan gverê vêşanîye yeno ramitene. Seba ke nê waştişî bêrê ca ganî merdimî bimirê? Tecrîd, berê demokrasî û haştîye yo. Seba çareserîya meseleya Kurdan, ma ganî vengê girewteyan berz bikerê.”

MA / MERSÎN