Cansize, Dogane û Şaylemeze Rojava de ameyê yadkerdene

• Sakîne Cansize, Fîdan Dogane û Leyla Şaylemeze yê ke Parîs de ameybî qetilkerdene, Rojava de hetê cinîyan ra ameyê yadkerdene.

Platformê Çalakîyan ê Şerîkî yê Rêxistinanê Cinîyanê Bakur û Rojhelatê Sûrîyeyî, Sakîne Cansize, Fîdan Dogane û Leyla Şaylemeze Qamişlo de yad kerd. Hetê cinîyan ra vernîya Merkezê Kulturî yê Mihemed Şêxoyî de malûmatêk ame dayene. 

Malûmatî de ame vatiş ke, “Paytextê Fransa Parîs de 9ê Çeleyê 2013yî de hetê MÎTê dewleta Tirke ra hereketê cinîyan ra Sakîne Cansize, Fîdan Dogane û Leyla Şaylemeze ameyê şehîdkerdiş. Hevala Sakîne tena seba cinîyanê Kurdistanî ney, seba cinîyanê pêro dinya xo ver da. La 10 serrî yo ke hetê Fransa ra no qetlîam nêameyo zelalkerdiş û berpirsîyaran ra hesab nêameyo perskerdiş.

Cinîyê rayberî hedef gêrîyenê

Cinîyê rayberî benê hedefê sîstemê faşîst û pederşahîyî. No sîstem pêro cinîyanê xoverdayoxan xo rê sey tehtîdî vîneno. Tarîx de Roza Luksemburg ra, Clara Zetkîn ra, Dayîka Gulnaze ra heta Evîn Goyî no wina bîyo. Qetlîamo ke wextêk verî cû Parîs de bi reyna bi destê Dewleta Tirke ame kerdene. Ma ganî bizanê ke, seba ke îradeyê Kurdan û cinîyan bêro şikitiş nê qetlîamî yenê kerdene. 

Fransa rê gazîye

Mas ey platformî şehîdanê qetlîamê Parîsî yê yewinî yad kenê û ma faîlan şermezar kenê. Ma Fransa rê û rêxistinanê hiqûqî rê gazîye kenê ke, wa faîlan vejê meydan û înan vejê mehkema. Ma venga pêro azadî waştoşan, rêxistinanê cinîyan, rêxistinanê heqanê merdiman kenê ke, wa paştî bide xoveradyîşê şarê Kurdî û cinîyan.”

MERKEZÊ XEBERAN