Vernîya ofîsê NYyî de vera tecrîdî çalakîye ameye viraştene û ame vatiş ke, “Şikitişê tecrîdî ra wet çareyê ma çin o.”
Çalakîya roniştişî ya ke Swîsde de bajarê Cenevde de yena kerdene dewam kena. 25ê Çileyê 2021î ra nat her hefte na çalakîye yena kerdene.
‘Mefteyê azadîye Abdullah Ocalanî de yo’
Çalakîye de Endamê CDK-Syî Ramazan Baytarî qisey kerd û va, “Sere de mefteyê azadîya Kurdan û yê şaranê bînan destê Rayber Apoyî de yo. 2 serrî yo ke tecrîdêko giran esto û bingeyê tecrîdî de têkilîyê gemarinî yê dewletanê rojavayî estê.”
‘Şikitişê tecrîdî ra wet çareyê ma çin o’
Hemserekê CDKyî yê Cenevreyî Metmet Latîf Çelebîyî va, “Ma serekatîyê xo ra 2 serrî ra nat xebere nêgênê. Kurdî û ciwanê Kurdan do çirey ney qebul mekerê. Ganî çalakîyan rê wayîr vejîyo. Şikitişê tecrîdî ra wet sewbîna çareyê ma çin o.”
Şorê sindoqan ser
Hetê Çelebîyî ra derheqê weçînayîşî de gazîye ameye kerdene û ey va, “Ewrûpa de prosesê weçînayîşî qedîya la hema wezîfeyê ma nêqedîyayê. Ganî şarê ma embaz û merdimanê xo de qisey bikero ke ê şorê serê sindoqan.”
Qiseykerdişan ra dima, sloganî ameyê eştene û çalakîya roniştişî dest pêkerde.
MA / CENEVRE
parvê bike
Nûçeyên ku dikare bala we bikşîne
