Sakîna, Leyla û Fîdan

Awankerdoxanê PKKyî ra Sakîna Cansiz, endamê KNKyî Fîdan Doxan û endamê hereketê ciwanan Leyla Şaylemez 8 serran ra ver Parîs de Buroya Înformasnonî de ameyê qetilkerdiş.

Serrgêra qetilbîyayîşê cinîyanê kurdan de, bi beşdarbîyayîşê xeylê kes û dezgeyan çalakîya xovîrî ra nêkerdişî virazîyaye. Meşe çalakwanan Parîs Gare Du Nordî ra dest pêkerd û beşdaran pankartê, ‘Heta edelet cayê xo nêvîno, Fransa sucdar a’ akerd. 

Gişta îstîxbaratê Tirkan

Awiqatê dewa Jean-Louis Malterreyî va, edelet qebûl kerd ke nê qetlîamî de gişta îstîxbaratê tirkan esta. Faîlê qetlîamî Omer Guney badê hepisbîyayîşê xo bi şeklêkî şikdarî merd û dewa bi fîîlî betal bîye. Keyeyê cinîyan kewtişê dewaye rê îtîraz kerd û înan waşt ke înan ke fermanê qetlîamî vayo ganî bêrê cezakerdiş. 

PARÎS