Vernîya Konsolosxaneyê Fransayî de protestoyê qetlîamî

• Hunermendan û sîyasetmedaran vernîya Konsolosxaneyê Fransayî de qetlîamê Parîsî protesto kerd. Xeylê kesî gêrîyayê binê çimî.

Meclîsa Kultur û Hunerî ya HDKyî qetlîamê Parîsî protesto kerd. Girse waşt vernîya Konsolosxaneyê Fransayî yê Taksîmî de çalakîya xo bikerê la çalakîya protestoyî hetê polîsan ra ameye astengkerdiş. 

Hunermendê MKMyî, BEKSAV, endamê GKSMyî, endamê Meclîsa Kultur û Hunerî ya HDKyî û Parlamenterê HDPyî Musa Pîroglû zî tede, girse waşt çalakîya xo bikero. Vernîya înan hetê polîsan ra ameye girewtene. Girse gêrîya binê ablûkayî û rojnamegerî zî ameyê astengkerdene. Înan waşt bi israr çalakîya xo bikerê la polîsan gala înan kerd û hunermend û sîyasetmedarî bi kememçeyan gêrîyayê binê çimî. 

‘Îqtîdar şerîkê sûcî yê qetlîamî yo’

Mûsa Pîroglûyî va, “Qetilkarî kuçeyan ra gêrenê, qetlîaman kenê. Labelê protestokerdişê nê qetlîaman yenê qedexekerdiş. Hukmatê Fransayî wa bizano ke, heta ke faîlan mevejo meydan o zî sûcdar o. Nê polîsî û no îqtîdar o ke çalakîyan asteng kenê, şerîkê sûcî yê nê qetlîamî û paştîdayoxê faîlan ê. Eke qetilkaran ra hesab mepersîyo qetlîamî do dewam bikerê. Ma pê nê qetlîaman nêşikîyayê û ma do meşikîyê zî. Ma do rew-erey hesabê înan bipersê.”

MA / ÎSTANBÛL