William M. reyna ame destbendkerdene

• Hêrişkarê Parîsî William M. reyna ame destbendkerdene.

Hêrişkar William M.yo ke 23ê kanûne de Paytextê Fransa Paris de vera Merkezê Kulturê Kurdan û esnafanê kurdan hêriş kerd û hîrê aktîvîstê kurdî qetil kerdî bado ke wedarîya klînîgê psîkîyatrî reyna ame destbendkerdene.

Klînîgo ke pabesteyê asayîşî yo de qerar ame girewtene ke o eşkeno nezarat de bêro tepiştene û reyna ame destbendkerdene. Wextê nezaratê ey do heta ewro serê sibayî dewam bikero.

Hêrişkar William M. (69) bado ke hêrişê Merkezê Kulturê Kurdan, restorant û kuaforê kurdan kerd pîya bi çeka xo amebî tepiştene û destbendkerdene.

Dozgerîya Parisî rojêke badê qirkerdişî 24ê kanûne de derheqê hêrişkarî de qerarê destbendkerdişî wedaritbî. Dozgerîye dabî zanayene ke hêrişkar rîyê problemanê weşîye ra wedarîyayo Nêweşxaneyê Psîkîyatrî yê Mudirîya Asayîşî ya Parisî. Vizêr cemê şanî bado ke doktoran hêrişkar muayene kerd, vat rewşa weşîya ey goreyê tedbîranê destbendkerdîşî ya.

MERKEZÊ XEBERAN