Fîyatê kitaban bîyê dila

• Krîzê dovîzî darbe da weşangerîye rê: Fîyatê kitaban bîyê dila.

Krîzê dovîzî darbe da weşangerîye rê: Fîyatê kitaban bîyê dila.

Temsîlkarê weşangerîye vanê eke nê krîzî rê çare mevînîyo, do 2022yî de hîna pîl bo. Goreyê Dezgeyê Îstatîstîkî yê Tirkîya, 2021î de çîyo ke fîyatê xo tewr bîyo berz kaxit o. Goreyê yewîtîya Weşangerîye serrnewîye ra nat, kaxitê kitaban rê se ra 130, mîrê kaxitî rê se ra 200 zam ameyo. Weşanxaneyî nika kitabanê populeran çap kenê. Kitabê ke çapê înan nêmendo reyna çap nêbenê. 

Matbayî zî hinî  pêşin xebitîyenê

Weşanxaneyî vanê matbayî zî hinî pêşin xebitîyenê. Tedarikkarî û nijnayoxî berz û nizmbîyayîşê dovîzî ver kaxit nêroşenê. Rotoxê globali zî seba rotişê kaxitî sînorî ardê. 

Pêşnîyazê çarevînayîşî

Serekê Yewîtîya Weşangerîye Kocaturk, vîzêr seba çarevînayîşî şi Enqere. Kocaturkî va, “Seba paştîdayîşî ganî beledîyeyî û kitabxaneyî hîna zêde kitaban biherînê. Beno ke bin o qeyde barê weşanxaneyan biney beno şenik. Seba ke ma bieşkê nê krîzî ra bivejîyê, ganî dewlete paştî bido ma. Ganî KDV bêro wedartiş. Reyna ganî keyepelê kitabroşî ganî zaf erjanîye mekerê. Ganî derheqê sîgortayanê xebatkaran de dewlete paştî bido.”

ENQERE