Gurînayîşê kîmyewîyan parlamentoya Îngîlîzan de ame perskerdiş

pêncşem 10 teşrînê 2022 - 11:01

  • Parlamentaranê Îngîlîzan Kim Johnson û Llyod Russell-Moyleyî gurînayîşê kîmyewîyan kirişt parlamento û hukmat hetê înan ra ame rexnekerdiş.

Hetê Tirkîya ra gurînayîşê kîmyewîyan yeno rexnekerdiş û vera kîmyewîyan çalakîyî yenê kerdene. Vîzer parlamententoya Îngîlîzan de meseleya gurînayîşê kîmyewîyan ameye qiseykerdiş. Parlamenteran Kim Johnson û Llyod Russell-Moyleyî Wezîrê Karanê Teberî û Musteşaê Averberdişî ra persî persayê. Înan ra ame perskerdiş ke, gelo derheqê îddîaya hetê Tirkîya ra gurînayîşê kîmyewîyan de do OPCWyî rê muraceat bêro kerdene.

‘Fosforo sipî ame gurînayîş’

Leo Dochertyî va, “Yeno îddîakerdiş ke Tirkîya Kurdistanê Başûrî de fosforo sipî gurînayo. La semedê raştîye destê ma de delîlêk çin o. Ma nê îddîayan cidî genê û ma giredayîyê muqaveleyê çekanê kîmyewîyan ê.”

Johnsonî dima va, “Seba ke derheqê kîmyewîyan de pers persayo derheqê parlamenterêkî CHPyî de fezlekeyê terorî ameyo hedrekerdiş. Birêz Wezîr, şima do derheqê PKKyî de fikrê xo bivurnê û rayîrê Mehkemaya Berzî ya Belçîyayî ra şorê yan ney? Eke şima mekerê, şima do zulmanê ke vera Kurdan benê rê mehneyan vînayîşî zî qebul kenê gelo?

Dochertyî reyna derheqê PKKyî de fikrê resmîyi yê Londonî ard ziwan.

Johnsonî ra dima Moyleyî va, “Sezgîn Tanrıkuluyî va: ‘Mi dîmenê îddîayan temaşe kerdê. Gurînayîşê kîmyewîyan vera merdimîye sûcê pîl ê. Meşte ez do derheqê raştîya îddîayan de persan bipersî.’ Seba ke nê qalî kerdê, Tanrikulu sey paştîdayoxê PKKyî ame sûcdarkerdiş. Tanrikulu endamê CHPyî yo, endamê partîya Kurdan nîyo. Birêz Wezîr qebul nêkeno ke na rewşe ver Tirkîya de demokrasi apey de maneno û polîtîkayê hukmatî ver muttefîkê ma yê Tirkîya, Iraq û Sûrîyeyî zirar vînenê?

Dochertyî ver ana persî zî va, “Ma girêdayîyê muqaveleyê çekanê kîmyewîyan ê û hukmatê Îngîlîzan do nê meseleyan teqîb bikero.”

YENÎ YAŞAM

 

parvê bike

   

Yeni Özgür Politika

© Copyright 2023 Yeni Özgür Politika | Mafên belavkirinê parastî ne.