Heta hêrîşan ser o cigêrayîşî bibê, ma do meydanan de bê’

duşem 7 teşrînê 2022 - 10:34

  • Wekîlê HDPyî astengîyan ra vîyertê û înan xo rasna cehdeyê Îstîklalî. Înan dîyar kerd do xoverdayîşî dewam bikerê.

Hetê HDP, HDK û BMGyî ra vera hêrîşanê kîmyewîyan Îstanbûl Taksîm de rayîrşîyayîş ame organîzekerdiş. Polîsan nêverda şar bivejîyo Îstîklal la hetê şarî ra rayîrşîyayîş kuçeyan de dewam kerd. Wekîlê HDPyî vernîyê Baroya Îstanbûlî de hetê polîsan ra gêrîyayê binê ablûkayî. Hetê wekîlan ra tîya de malûmatêk ame dayene.

Sezaî Temellîyî va, “Kesê ke vera kîmyewîyan vejîyenê, hetê nê rejîmî ra gêrîyenê binê çimî û yenê girewtene. Şebnem Korur Fîncanci bi bêhiqûqîye erzîyaye hepis. Çira? Çunke dîyar kerd ke ganî derheqê hêrîşanê kîmyewîyan de cigêrayîşêk bêro kerdene. Ma zî eynî gazîye kerde. Çunke gurînayîşê kîmyewîyan sûcê merdimîye yo. Kesê ke bêveng manenê, benê şerîkê nê sûcî. Ma netîceyanê şerî vînenê. Ma ganî her ca de vengê xo berz bikerê.”

‘Ma do xoverdayîşê xo biramnê’

Wekîlê HDPyî Tayyîp Temelî va, “Vera kîmyewîyan Sîlopya û Îstanbûl de bi hezaran kesî ameyê têhet. Xeylê îdarekarê ma û endamê ma gêrîyayê binê çimî. Ewro wazenê bi polîsan ma asteng bikerê. La nêşkenê rastîya kîmyewîyan binimnê. Kerdenê îqtîdarî sûcanê înan mojneno ma. Heta ke kîmyewîyan ser o cigêrayîşî bibê, ma do meydanan de bê. Se beno wa bibo, ma do xoverdayîşê xo biramnê.”

MA / ÎSTANBÛL

parvê bike

   

Yeni Özgür Politika

© Copyright 2024 Yeni Özgür Politika | Mafên belavkirinê parastî ne.