Komeleya Kurdistana Sewz: Ma qirkerdişê xozaye ver gerreyê Tirkîya kerdo

Nûçeyên Komel û Cuye

duşem 25 tîrmehê 2022 - 17:06

Berpirsîyaranê Komeleya Kurdistana Sewz seba ke xozaya Kurdistanê Başûrî hetê Tirkîya ra yeno talankerdiş Neteweyanê Yewbîyayîyan rê gerreyê Tirkîya kerdo.

Îsmaîl Ebdullahî

Tirkîyaya îşxalkare hetêk ra Kurdistanî bi hêzê xo yê eskerî îşxal kena, hetêk ra zî xozaya Kurdistanî talan kena. Bi bombayanê kîmyewîyan û qirkerdişê daristanan xozaya Kurdistanî zirar vîneno.

Serekê Komeleya Kurdistana Sewz Îsmaîl Ebdullahî va, “Hêrîşê Tirkîya vera Kurdan û xozaya Kurdan yenê kerdene. Tirkîya wazena xozaya Kurdistanî bixeripna. Goreyê înan darî zî dişmen ê coka yenê birnayene.”

Îsmaîl Ebdullahî dîyar kerdo ke, înan seba ke vengê xo bikerê sere dayo Neteweyanê Yewbîyayîyan û rêxistinanê komela sîvîle û înan waşto kerdenê Tirkîya bêrê şermezarkerdiş. Çimkî Tirkîya zirar dana xozaya pêro dinyaye.

Amîne Ehmed

Berpirsîyara Komeleya Kurdistana Sewz a Şaxa Silêmanîyeyî Amîne Ehmed va, “Ma sey Komeleya Kurdistana Sewz kerdenanê Tirkîya qebul nêkenê. Ma kerdenanê Tirkîya ver Neteweyanê Yewbîyayîyan rê gerreyê ci kerdo. Binpaykerdişê Tirkîya ramenê û nê binpaykerdişî sîyasî, komelî, ekonomîk û xozayî yê. Ganî qirkerdişê xozaya Kurdistanî bêro vindarnayîş. Meseleya derûdorî ewro meseleya dinyaye ya. Her cayê dinyaye de derûdor û xoza yenê talankerdiş. Ma hêzanê pîlan û Iraqî ra vanê wa vera sîyasetê Tirkîya vengê xo bikerê.”

ROJNEWS / SILÊMANÎYE

parvê bike

   

Yeni Özgür Politika

© Copyright 2024 Yeni Özgür Politika | Mafên belavkirinê parastî ne.