MED-DERî kongreya xo ya 1ine viraşte

Nûçeyên Komel û Cuye

duşem 3 Çiriyê 2022 - 10:56

Kongreya MED-DERî ya 1ine de vera asîmîlasyonî gazîya xoverdayîşî ameye kerdene.

MED-DER(Komeleya Cigêrayîşanê Ziwan û Kulturî yê Mezopotamyayî)î,  kongeya xo ya 1ine Eywana Tahîr Elçîyî ya Baroya Dîyarbekirî de viraşte. Temsîkaranê HDP, KESK, TUAY-DER, MEBYA-DER û Komeleya 78îyan bîyê beşdarê kongreya MED-DERî û kongre bi pay ra vindertişê hurmetî ameye dest pêkerdiş. 

Vera asîmîsyonî gazîya wayîrvejîyayîşî

Kongre de hetê Hemserekê HDPyî yê Dîyarbekirî Zeyat Ceylanî ra qiseykerdişêk ame kerdene. Ceylanî qiseykerdişê xo de va, “Zîhnîyeto kapîtalîst bi helnayîşê ziwanan xo awan keno. Tirkîya de zî netîceya nê polîtîkayan de kultur û ziwanî raştê asîmîlasyonî ameyê. Ziwanê Kurdan yeno înkarkerdiş û Kurdî raştê zulmî yenê. Ganî Kurdî vera polîtîkayanê asîmîlasyonî wayîrê ziwanê xo bivejîyê.”

Hemserekê MED-DERî Rifat Ronîyî dîyar kerd ke, Kurdî se serrî ra nat heqanê xo yê bingeyinan ra mehrum manenê û vera nê polîtîkayan do xoverdayîşî dewam bikerê.

Qiseykerdişan ra dima, weçînitiş ame viraştene. Netîceya weçînitîşî de Rifat Ronî û Şukran Yakûte newe ra hemserekîya MED-DERî rê ameyê weçînayîş.

MA / AMED

parvê bike

   

Yeni Özgür Politika

© Copyright 2022 Yeni Özgür Politika | Mafên belavkirinê parastî ne.