Nobeta Edaletî: Seba cuya azade ma ganî bibê vengê tepişteyan

Nobeta Edaletî ya ke verê Hepisxaneyê Kiriklarî de yena girewtene dewam kena.

Nobeta Edaletî ya ke seba tepişteyanê nêweşan û vera vêşnayîşê înfazan vernîyê Hepisxaneyê Kirklarî de yena girewtene, 121 rojî yo ke dewam kena. Hetê îdarekaranê HDPyî yê Çeşme û Urla ra paştî dîya Nobeta Edaletî.

Hemsereka HDPyî ya Urlayî Menekşe Ecere va, “Nêweşê giranî nînê veradayîş. Bi raporanê tiba edlîye tehlîyeyî yenê astengkerdiş û tepişteyê nêweşî nê polîtîkayan ver mirenê. Berpirsîyarê nê merg û binpaykerdişan mehkemayî, îdareyê hepisxaneyan, tiba edlîye û Wezaretîya Edaletî yê. Ma ganî vera nê zulmî bêveng menanê. Seba cuyêka azad û demokratîke ma ganî bide vengê tepişteyan.”

‘Wa tecrîd biqedîyo’

Merdimanê tepişteyan ra Fatma Surme va, “Seba ke heq û edalet bêrê ca ma nobete genê. Ganî tecrîd biqedîyo û hepsîyê nêweşî bêrê veradayîş. Şer çend giran beno, rewşa hepisxaneyan hende bena xirabe. Wa no şer biqedîyo û haştîye bêra awankerdiş.”

MA / IZMÎR