Şahê dengbêjan do bêro yadkerdene

Nûçeyên Çand/Huner

pêncşem 23 hezîranê 2022 - 10:24

  • Dengbêjo pîl Şakiro do serrgêra mergê xo de do bêro yadkerdene.

Dengbêjo pîl Şakiro do serrgêra mergê xo de do bêro yadkerdene.

Dengberê Kurdan o pîl Şakiro do serrgêra mergê xo de bi bernameyêk bêro yadkerdene. Şakiro 26 serrî cûwa ver koç kerdibi. Bernameyê yadkerdişî hetê HDK, HDP, MKM û Merkezê Kulturî yê Golgeyî ra yeno viraştene. Bernameyê yadkardişî do 24ê Hezîrane de Îstanbûl de Merkezê Kulturî yê Cem Karacayî de bivirazîyo. Bername do saete 19.00î de dest pêbikero. Qiseykerdişê destpêkî do hetê şaîr Murathan Mûnganî ra bêro kerdene. Şewa yadkardişî de do Zahiro, Kazo, Xênî, Salihê Qûbînî, Hediye, Eylul Nazlier û Erhan Kayayî bi kilam û deyîran ca bigerê.

Hunermendê Kurdî do bi video konferansî beşdar bê

Qismê dîyinî yê bernameyî de do kulturî dengbêjîye ser o bernameyêk bivirazîyo. Nê qismî de do Ciwan Haco, Omer Guneş, Îbrahîm Şahîn, Hozan Marûf û Hozan Şemdînî bi video konferansî beşdarê bernameyî bibê.”

Hefizayê Kurdan: Şakiro

Hunermendanê MKMyî ra Engîn Denizî va, “Şakiro hefizayê Kurdan o. Ma do reya verêne ey ser o bernameyêkî hîrayî bivirazê. Ma do şexsê Şakiroyî de pêro dendbêjanê Kurdan yad bikerê. Ziwan û kulturê ma timûtim raştê qedeqeyan û tehdayan ameyêne la emser nê tehdayî bi eşkera zêdîyayê. Kurdkî her roje raştê tehdayan yena. Ma wazenê verê nê tehdayan bigerê. Wazenê Kurdan asîmîle bikerê. Ma wazenî hem Şakiroyî yad bikerê hem zî wayîrê ziwanê xo bivejîyê.”

ÎSTENBOL

parvê bike

   

Yeni Özgür Politika

© Copyright 2022 Yeni Özgür Politika | Mafên belavkirinê parastî ne.