Seba mezûnanê kursê Kurdkî merasîmêk ame viraştene

Nûçeyên Komel û Cuye

çarşem 6 tîrmehê 2022 - 16:42

  • MED-DER seba wendekaranê kursan merasîmêk viraşt û belgeyê mezûnîyetî dîyayê wendekaranê serkewteyan.

MED-DER seba wendekaranê kursan merasîmêk viraşt û belgeyê mezûnîyetî dîyayê wendekaranê serkewteyan.

Komeleya Cigêrayîş Ziwan û Kulturî ya Mezopotamyayî(MED-DER) 21ê Sibate Roja Ziwanê Dayîke de kursê Kirmanckî û Kurmanckî dabî dest pêkerdiş. Nê kursan de 300 kursîyerî bîyê serkewte û belgeyê mezûnîyetî dîyayê înan. Kursî onlîne û rî bi rî ameyê dayene û 500 kesî beşdarê kursan bî. Kursî 3 astan de ameyê dayene û her aste rê aşmêk abirîyaye. Kursê Kurmanckî ra 200, kursê Kirmanckî ra zî 100 kesî bîyê serkewte û înan bi merasîmêk belgeyê xo girewtê.

Merasîmî de serekê MED-DERî Rifat Ronîyî bi kilmî qisey kerd û va, “M abi wesîleya merasîmî keyfweş û sereberz ê. Nê welatî de 82 mîlyon însanî cuwîyenê û 1 mîlyon 500 hezar mamosteyî estê ke bi Tirkî perwerde danê. Bi milyonî Kurdî nê welatî de cuwîyenê la heta nika seba Kurdkî tena 79 mamosteyî ameyê tayînkerdiş. Pê ziwanê ma yarîya xo kenê. Ma naye qebûl nêkenê û şermezar kenê.”

‘KURDKÎ QISEY BIKERÊ, BINUSÊ Û BIWANÊ’

Rifat Ronîyî bale ante muhîmîya ziwanê dayîke ser û va, “Ganî sîyasetmedarê Kurdan bi ziwanê xo qisey bikerê û ganî derheqê ziwanî de polîtîkayê înan bibo. Zere de, teber de, kar de û her ca de ganî ma Kurdkî qisey bikerê, binusê û biwanê.”

MA / AMED

parvê bike

   

Yeni Özgür Politika

© Copyright 2022 Yeni Özgür Politika | Mafên belavkirinê parastî ne.