‘Têkoşînê cinîyan do ser bikewo’

Dewaya Kobanî dewam kena. Cinîyî seba roniştişê 19inî yê Dewaya Kobanî Zindanê Sîncanî de ameyê pêser.

Cinîyê ke seba Dewaya Kobanê ameyî pêser wina vat ”têkoşînê cinîyan do ser bikewo.”

Roniştişo 19. yê Dewaya Kobanê ya ke tede 108 sîyasetmedarê kurdî yenê muhakemekerdene, Kampusê Zîndanê Sîncanî de do bêro kerdene. Cinîyî roniştişê Dewaya Kobanê ra verî verê Zîndanê Sîncanî de ameyî pêser. Hemsereka HDPyî Pervîn Buldane, Vervatoxa Meclîsê Cinîyan Ayşe Acar Başarane, îdarekarê HDPyî yê Amed û Anqara, temsîlkarê partîyanê sîyasîyan û rêxistinanê komelê sivîlî zî tede cinîyan waşt ke verê Zîndanê Sîncanî de eşkerayîye bidê la polîsan nêverda.

Cinîyan vera polîsan sloganê ‘jin, jiyan, azadî’ vat. Vervatoxa Meclîsê Cinîyan ê HDPyî Ayşe Acar Başarane verê zîndanî eşkerayîye daye û vera polîsan nêrazîbîyayîşê xo mojna. Başarane vat: “Embazê ma yê cinîyî zere de pabeyê ma yê. Ma do paştî bidê înan. Ma do têkoşînê cinîyan aver berê. Ganî nê ê kesê ke cinîyan asteng kenê bêrê muhakemekerdene. Têkoşînê cinîyan do ser bikewo.”

Cinîyî bi sloganê ‘jin, jiyan, azadî’ derbazê salona roniştişî bîyî.

XWEBÛN