Vera komploya mîyannetewî Elmanya de bi rayberîya ciwanan rayîrşîyayîş ame dest pêkerdiş.
Komploya mîyannetewî kewena serra xo ya 24ine. Bi wesîleya serrgêra komploye bajaranê Ewrûpa de çalakîyî dest pêkerdê. Elmanya de ciwanî ameyê têhet û hetê înan ra rayîrşîayîş dîya dest pêkerdiş. Rayîrşîyayîş do 6 rojî dewam bikero. Bajarê Heilbronnî yê Elmanya de ciwanî ameyê têhet û Avusturya, Îngîltere, Fransa, Swîsre û Hollanda ra zî ciwanî bîyê beşdarê rayîrşîyayîşî.
Meydanê Theresienwieseyî yê Heilbroonî de ciwanî ameyê pêser û kesê ke xoverdayîşê azadîye de ganê xo dayo hetê înan ra ameyê yadkerdiş. Dima Zekîye Dogane va, “Ma ciwanî do Rayber Apoyî azad bikerê û xoverdayîşî birasnê serkewtişî. 20 aşmî ra zêder o Rayber Apoyî ra xeberêk nêameya girewtene. Ma do vera dewleta faşiste timûtim xo ver bidê.”
Rayîrşîyayîş do roja verêne qasê 17 km dewam bikero. Ciwanî do şan Heilbronn DKTMyî de bernameyê şanî de bêrê têhet.
MERKEZÊ XEBERAN
parvê bike
Nûçeyên ku dikare bala we bikşîne
