Wazenê kerdenanê 93yî bi talankerdişê xozaye biramnê

yekşem 28 tebaxê 2022 - 10:44

MEDÎNE MAMEDOGLÛ / NÛJINHA / ÇEWLÎG

Awbendê Gelîya Perîye ra dima nika zî destûr dîyayo ocaxa madenî. Gêxîyijan va, “Wazenê bi talankerdişê xozaye sey 93yî dewanê Gêxîyî veng bikerê.”

Polîtîkayê talankerdişê xozaye bêmabên yenê ramitene. Şîrketa Bingöl Metal Madencilik seba ke dewanê Qêxîyî de maden akera raporê destûrî girewto. Dewê ke nika wazen3e tede maden akerê, 93yî de bi tehda ameybî vengkerdiş. Gêxîyijî vanê wazenê kerdenanê 93yî nika zî bi talankerdişê xozaye tekrar bikerê.

Na senaryo  30 serrî verî cû ameye plankerdiş

Dewa Arege ra Meryem Bayakire va, “Na senaryo 30 serrî verî cû ameye plankerdiş. Dewlete xozaye talan kena û zor dana şarî ke erdê xo ra koç bikero. Bi viraştişê awbendî her çîyê ma xeripîya. Tena înan ci ra menfeat girewt. Xozaya ma ameye talankerdiş. Daristananê ma de heywanî nêmendê.”

Şarê mintiqaye rê feydeyê madenan çin o

Cinîyanê dewa Arege ra Aynur Ergîne va, “Ma madenan nêwazenê. Şarê ma rê feydeyê madenan çin o. Wazenê ma tîya ra koç bikerê. Ma şorê bajar, ma do uca de se bikerê. Ma do vera înan de xo ver bidê û meverdê ke ê hîna zêde zirar bidê xozaya ma.”

Cinîyan ra Nurîye Vezedene zî va, “Awa ma bena mîkrobine. Ma nêşkenê çîyêk ra havile bigerê. 30 serrî verî cû mi dewa x ora bar kerd û ez 4 serrî verî cû agêraya. Awbend û madenî zaf zirar danê xozaya ma. Ma do destûr medê madenan.”

parvê bike

   

Yeni Özgür Politika

© Copyright 2024 Yeni Özgür Politika | Mafên belavkirinê parastî ne.