Cinîya bazarkar a Dîyarbekirije: Ez roje de 50 kaxitan qezenc bikerê ez şikir kena

Sultan Sema Yildiz 15 serrî yo ke bazaranê semtan de dezgeyê xo akena. Yildiz vana, “Seba ke ez cinîya kes mi ra çîyêk nêherînayêne.”

Sultan Sema Yildiz 59 serrî ya. A dewa Qerajdaxî ya Qerebaxçeyî ra beranê xo ana û bazarî de roşena. Hefteyî de 6 rojî sere sibayî ra heta şan xebitîyena. Yildiz vana, “No welat de her çî bîyo vay. Ez 59 serrî ya, ez xozana nêzana ez ha xebitîyena la çîyêkî mi çino. Çi biikewo ma dest ma îdareyê keyeyî rê xerc kenê. Cuye zaf bîya zehmete. Ez roje de 50 kaxitan qezenc bikerê ez şikir kena. Qicê mi çinê kes çino miqateyê ma bo, ez û mêrdeyê xo tena yê. Mêrdeyê mi zî rey-rey înşaatan de rey-rey zî bostanê dewe de xebitîyeno.”

‘Cinîyî tim muameleyêko cîyo vînenê’

Sultan Sema Yildiz vana bazaranê semtan de xebitîyayîşê cinîyan zaf zehmet o. Yidiz vana, “Ça de beno wa bibo, cinîyî tim muameleyêko cîya vînenê. Tîya de pêro bazarkarî camêrd ê, ez tena cinî ya. Sereyi de mi zaf zehmetîyî antê, seba ke ez cinî ya kes mi ra çîyêk nêherînayêne. La dima însanî hêdî-hêdî musayê la mi zaf tenganîyê dîyê. Cinîyî ganî bimojnê her kesî ke ê eşkenî xoser pay ra vinderê. Îhtîyacîya ma bi kesî çina. Çîyê ke camerdî kenê ma zî eşkenê bikerê. Ez bi waştişê xo nê karî kena û ez do bikerî zî.”

MERKEZÊ XEBERAN