Dîyarbekirî de daşinasnayîşê ferhengê Kurdkî

Nûçeyên Çand/Huner

în 29 tîrmehê 2022 - 16:28

Ferhengo ke hetê Zana Farqînîyî ra ameyo hedrekerdiş, Dîyarbekirî de ame daşinasnayîş.

Bernameyê daşinasnayîşî, hetê MED-DER, Enstîtuya Kurdkî ya Dîyarbekirî û Kovara Destarî ra ame viraştene. Bername awanîya MED-DERî de ame viraştene. Bernameyê daşinasnayîşî de, xeylê sîyasetmedar, mamoste û ziwannasî ameyê têhet.

‘Bingeyê ci hetê Ehmedê Xanîyî ra erzîyabi’

Bernameyî de hêvêrî Hemserekê MED-DERî Rifat Ronîyî qisey kerd û va, “Seba ke domanê Kurdan bieşkê bi ziwanê xo biwanê û binusê, bingeyê ferhengê Kurdkî hetê feylesof Ehmedê Xanîyî ra ame eştene. Nika tornê Xanîyî zî na rêçe ra şonê.”

‘Gamêka pîroz a’

Dima Hemsereka Komeleya Cigêrayîşanê Kurdan Remzîye Alparslane qisey kerd û va, “No ferheng seba ma zaf muhîm o. Seba hedrekerdişê ferhengê Kurdkî-Kurdkî raşta zî gamêka pîroz a.”

‘Hewnêk bi raştîye’

Bernameyê daşinasnayîşî de tewr peynî Zana Farqînîyî qisey kerd û va, “Na xebate verî cû sey hewnêk bî la bîye raştîye. Seba ziwanêk hîrê çîyê bingeyinî estê; gramer, alfabe û ferheng. Coka ganî ferhengêkî ma yo Kurdkî-Kurdkî bibo. Ma bin ê xebatan venganê verînanê xo qeyd kenê. Çi heyf ke ma Kurdî zaf qîmet nêdanê ziwanê xo. Ma ganî ziwanê xo her ca û her warî de bigurînê. Eke ziwan ke ma dest ra şêro, çîyêkî ma nêmaneno.”

Bernameyê daşinasnayîşê ferhengî bi pêşkêşîya daşinasnayîş û îmzakerdişî ame qedîyayîş.

MA / AMED

parvê bike

   

Yeni Özgür Politika

© Copyright 2022 Yeni Özgür Politika | Mafên belavkirinê parastî ne.