Hêrîşê xozaye leteyê polîtîkayê şerî yê

OMER AKIN / MA / ŞIRNEX

Murat Ozbeyî va, “Botan bi zanayîş ame weçînayîş, nê polîtîkayê şerî yê.”

Demêk ra nat bi mahneyê ewlehîye Cûdî, Gabar û Besta de daristanî yenê qirkerdiş. Darî bi paştîdayîşê eskeran yenê birnayîş, bi qamyom û tiran kirişîyenê bajaranê bînan û yenê rotiş. 

Roje de 20 qamyonî

Roje de 20 qamyonî Şİrnexî ra şonê qezaya Rihayî ya Helîlîye. Eşkera bi ke tayê kesî kolîyan facebookî ser ra roşenê. Goreyê malûmatanê resmîyan Şirnexî de 7 aşman de daristanî se ra 7 qedîyayê. Bê birnayîşan, netîceya operasyonan û awankerdişê cayanê eskerîyan de daristanî yenê qirkerdiş.

Polîtîkayê Şerî

Îdarekarê sendîkaya SESî ya şubeya Şirnexî Murat Ozbeyî va, “Dewlete hem xozaye talan kena, hem zî wazena komele raştîyanê x ora dûrî bikewa. Çimeyî yenê talankerdiş, kulturo popüler kirişîyeno nê cayan û xozaye yena qirkerdiş ke estbîyayîşo komelkî orte ra wedarîyo. 90yan de dewî ameyê vêşnayîş û ewro zî Kurdî nêşkenê bi azad welatê xo de têbigerê. Xozaya welatî bi mehneyanê ewlehîye yena qirkerdiş û no zî leteyê polîtîkayê şerî yo.”

‘Botan heded gêrîya’

Murat Ozbeyî va, “Hetê serdestan ra bi zanayîş Botan hedf gêrîya. Wazenê tîya de hem fîzîkî hem komelkî polîtîkayanê xo yê taybetan biramnê. Cuya ekolojîke qasê cuya azade muhîm a. Ma ganî hem seba xozaya xo hem zî seba cuyêka sihetine xo ver bidê. Ma ganî vera polîtîkayanê şerî, xoverdayîşê haştîye bidê û polîtîkayanê şerî yê taybetan puç bikerê.”