MEDÎNE MAMEDOGLÛ / NÛJINHA / MÛŞ
Gimgimijan va awbend û HESan ver rewşa îklimî vurîyaya û huşkayî dest pêkerda.
Çemê Muradî çimeyê tewr pîlî yê Çemê Feratî yo. Bakurê Gola Wanî ra bingeyê xo geno û 6 bajaran ra vîyareno. Serê Çemê Muradî de 5 hebî HESî estê. Nê HESan ra 2 hebî Mûş de yê. Nê HESan ver huşkayî virazîyeya û na huşkayî rence û weyekerdişê heywanan ser de bandorê xirabî kerdê.
‘HESan ver tîya de çîyêk nêmendo’
Cinîyanê Gimgimijan ra Zeybep Çetînkaya va, “Ma erdê xo ser de HESan nêwazenê. Ganî dewlete nê polîtîkayan ra fek verada. No polîtîka zirar dano merdiman, heywanan û xozaya ma. Ma pêroyî vera nê polîtîkayan ê. Kes tîya de HESan nêwazeno. HESan ver tîya de çîyêk nêmendo ke zirar mevîno.”
‘Wa dewlete destanê xo giraneyê şarî ra bianca’
Sanîye Dogane va, “Ganî şarê ma wayîrê kulturê xo û xozaya xo bivejîyo. HES zerar dano her çîyî. Çimeyê awe pêsayê û rence zaf bîya zehmete. Dewlete nêwazena ma tîya bi kulturê xo û xozaya xo bicuwîyê. Wa dewlete destanê xo giraneyê şarî ra bianca. Ganî şarê ma vera talankerdişê xoza vengê xo berz bikero.”
Elîf Hurustan zî peynî de va, “Ma nêwazenê xozaya ma bêra talankerdiş. Ganî şarê ma bêro têhet û vera nê talankerdişan zîyaranê xo û xozaya xo bipawo. Mesela Dêrsim binê awe de mendo. Daristanê ma û xozaya me sey ziwanê ma yê. Eke ma ziwanê xo vîndî bikerê, ma her çîyî xo vîrî ra kenê. Ma ganî vera nê talukeyî bêrê têhet û ma ganî kulturê xo bipawê.”
parvê bike
Nûçeyên ku dikare bala we bikşîne
