Şaredarîya AKPyî zirar dana xoza

Şaredarîya Çewlîgî ya AKPyî ya ke bi îdîaya ‘berardişê enerjîya dosta xoza’ projeyêk vist dewre, zîyan dana xoza.

2019 de dewanê merkezê Çewlîgî Herragor, Havsel, Kardeşler û Qenterî de Şaredarîya Çewlîgî bi îdîaya ‘berardişê enerjîya dosta xoza’ projeyêkê ‘çopan’ vist dewre. Labelê proje bi sebebê nêweşîye xoza tehdît keno.

Verî seba new mengan şuxilnayîşê nê tesîrî dîya Şîrketa Enerjî ya ITC-KA. Ame parekerdene ke narey seba 29 serran bi heman şîrkete de hemkarîye do bêra kerdene.

Seba ke cayê çopan nêzdîyê dewan o, beno sebebê meseleyanê weşîye.

Dewijan vera merkezê çopan dest pê kampanyaya îmzayan kerd û dîyar kerd ke dewanê nêzdîyê merkezê çopan de nêweşîya enfeksîyonî virazîyena.

Doktorî vanê sebebê na nêweşîye tesîsê çopan o. Nê çopî zerar danê xozaya herême zî.

Dewijan îfade kerd ke tesîs qasê 400 metreyî dûrê dewa Kardeşlerî de yo. Merkez û qezayanê Çewlîgî ra, qezaya Depe ya Xarpêtî û qezaya Licê ya Amedî ra zî çopî yenê, tîya de verdîyenê.

Kampanyaya îmzayan a dewijan zî raşta astengîya zabitayanê şaredarîye yena. Dewijan îfade kerd ke armancê înan arêdayîşê 20 hezar îmzayan o û heta nika înan 10 hezar îmzayî arê dayê.