Ewladanê Ocaxan ra hîşyarîyêk: Dêrsimî ser ra destanê xo biancê

• Ewladanê Ocaxanê Elewîyan, derheqê polîtîkayanê asîmîlasyonî de bi sernameyê ‘Raye rast a, Raye cuwîyena, Raye Şîfa ya’yî malûmatêk da.

Ewladê Ocaxanê Elewîyan derheqê rewşa Dêrsimî de malûmatêko şêrîk da.

Ewladanê Ocaxanê Elewîyan, derheqê polîtîkayanê asîmîlasyonî de bi sernameyê ‘Raye rast a, Raye cuwîyena, Raye Şîfa ya’yî malûmatêk da. Înan malûmatê xo de va, “Pîlanê ma, ma rê tarîxêko birûmet verda. Dinya bi tarîxê ma, ma şinasnena. Hardê Derwêşî de her mazêre de, her zîyare de destê heqîqetî esto. Raye destê nêheqan nekewena.”

Dêrsim hema zî sereyanê înan de berdêko bêderman o

Înan malûmatê xo de sewbîna va, “Vateyê ‘Dêrsimî rê sefer beno la zafer nêbeno’yî heqîqetêk nîşan dano. Ê vanê ma Dêrsimî de ser kewtê la ê çirey abad nêbîyê. Dêrsim hema zî sereyê her yewî de berdêko bêderman o. Ê wazenê erde ma û bawerîya ma talan bikerê. Kelamê ocaxanê ma Munzirî roşnî keno. Cade polîtîkyananê xo yê asîmîlasyonî ra fek veradê. Ma bi raştîyanê xo û tarîxê xo estê. Ma vanê ke vera polîtîkayanê leyşinan ma kêmî mende. La ganî ma wayîrê raya xo bivejîyê. Ma înan ra vanê, şerm bikerê, şima çi wazenê, destanê xo Dêrsimî ser ra biancê. Heq eyneyê ma, Xizir destegîrê ma yo.”

PÎRHA / DÊRSIM