Vera talanê xozaye do ver bi Koyê Cûdîyî çalakîya rayîrşîyayîşî bêra kerdene

Hetê rêxistinanê ekolojîyî û partîyanê sîyasîyan ra 17ê Êlule de do vera talanê xozaye ver bi Koyê Cûdîyî çalakîya rayîrşîyayîşî bêra kerdene.

Hereketê Ekolojîyî û partîyê sîyasîyî vera qirkerdişê xozaye û daristanan game erzenê. Vera talanê xozaye û daristanan do ver bi Koyê Cûdîyî çalakîya rayîrşîyayîşî bêra kerdene. Çalakîya rayîrşîyayîşî bi serektîya DTK, TJA, DBP, HDP û Hereketê Ekolojî yê Mezopotamyayî do bêra viraştene. Demêk ra nat Şirnex de daristanî hetê esker û qorîcîyan ra yenê talankerdiş. Çalakîya rayîrşîyayîşî do 17ê Êlule de bêra viraştene. 

Derheqê rayîrşîyayîşî de do 5ê Êlule de Dîyarbekirî de malûmatêk bêro dayene. Hedreyîyê rayîrşîyayîşî dest pêkerdê. Yeno pawitene ke do xeylê hereketê ekolojîyî û partîyê sîyasîyî beşdarê rayîrşîyayîşî bibê.

MA/AMED